اترپردیش کے علی گڑھ تھانہ کے تحت سول لائن کے علاقےمیں سیما پھاٹک (لیول کراسنگ) پر ایک بڑا حادثہ ٹل گیا ہے۔ بند پھاٹک کے نیچے سے رکشہ لے جانے والے شخص کا رکشہ ٹرین کی زد میں آ گیا اور رکشہ ڈرائیور نے کسی طرح جان بچائی۔ سی سی ٹی وی فوٹیج وائرل ہونے سے انتظامیہ کی نیند اڑگئی ہے۔Major Accident Averted In Aligarh In Uttar Pradesh Today
رکشہ لے جانے والا شخص کے ٹرین کے زد آنے کا پورا واقعہ ریلوے کے سی سی ٹی وی کیمرے میں قید ہو گیا ہے۔ ساتھ ہی واقعے کے بعد سی سی ٹی وی کیمرے سے اس شخص کی شناخت کی گئی اور اسے گرفتار کرکے جیل بھیج دیا گیا۔
یہ بھی پڑھیں:NMC Denies AMU Request To Increase MBBS Seats ایم بی بی ایس کی نشستوں کی تجویز پر اے ایم یو کی وضاحت
معلومات دیتے ہوئے آر پی ایف کے انچارج راجیو ورما نے بتایا کہ یہ واقعہ آج صبح تقریباً 10:00 بجے پیش آیا جب بھٹہ ایکسپریس دہلی سے کانپور کی طرف جارہی تھی، اسی وقت صدام نامی شخص نے پھاٹک کے نیچے سے رکشہ نکالا اور رکشہ ٹرین کی زد میں آکر گر گیا اور نوجوان نے کسی طرح اپنی جان بچائی۔ واقعے کے بعد سی سی ٹی وی فوٹیج سے مذکورہ شخص کی شناخت کرتے ہوئے ملزم کو گرفتار کرکے جیل بھیج دیا گیا ہے۔
