چلتی مال گاڑی کا ڈبہ پٹری سے پلٹ گیا

اترپردیش کے ضلع بجنور کے نجیب آباد ریلوے اسٹیشن سے کچھ فاصلے پر، فضل پور ریلوے لائن سے ہو کر گزر رہی مال گاڑی کا ایک ڈبہ پٹری سے پلٹ گیا۔

جس کی وجہ سے متعدد ٹرینیں درہم برہم ہوگئیں، آناً فاناً میں ریلوے محکمہ نے راحتی کا کام شروع کردیا ہے۔ مال گاڑی کے دو پہیے نیچے کھائی میں جاگرے یہ مال گاڑی لکشر سے آرہی تھی۔

اسٹیشن ماسٹر نے یہ جاننے کے لیے مکمل تحقیقات شروع کردی ہے کہ کہاں غلطی ہوئی اور کس وجہ سے یہ واقعہ پیش آیا ہے۔

حالانکہ اس واقعے میں کوئی نقصان نہیں ہوا ہے البتہ راحتی اہلکاروں نے گھنٹوں کی کڑی مشقت کے بعد سے اس ڈبے کو پٹری سے ہٹاکر لائن دوبارہ بحال کی۔