ریاست اترپردیش کے غازی آباد کے لونی علاقے میں بی جے پی کے رکن اسمبلی نند کیشور گجر نے سی اے اے کی حمایت میں لوگوں سے خطاب کیا۔
بی جے پی کے رکن اسمبلی نند کیشور گجر نے عوام سے خطاب کرتے ہوئے کہا کہ سی اے اے کے خلاف افواہ پھیلانے والوں کی کھال کھینچ لی جائے گی، ان کی آنتیں باہر نکال دی جائیں گی۔
انہوں نے مزید کہا کہ 'جولوگ پاکستان زندآباد کہتے ہیں وہ اب بھارت میں نہیں رہ پائیں گے'۔
انہوں نے اسٹیج سے اپیل کرتے ہوئے کہا کہ 'افواہوں پر توجہ نہ دیں، اس قانون سے کسی بھی بھارتی شخص کی شہریت کو کوئی خطرہ نہیں ہے'۔
انہوں نے کہا کہ 'سبھی مذاہب کے ماننے والے بھائی چارے کے ساتھ رہیں کسی کو ڈرنے کی ضرورت نہیں ہے ڈرنا صرف دراندازوں کو چاہئے'۔
لونی کے بنتھلا میں چیروڑی روڈ پر واقع شیو فام ہاوس میں ایک عوام اجلاس کا انعقاد کیا گیا، جس میں نند کیشور کے علاوہ بی جے پی کے ضلعی صدر سمیت بی جے پی کے کارکنان کثیر تعداد میں موجود تھے۔
