ایک طرف خاتوں پولیس اہلکار کو گھر میں بچوں، شوہر اور والدین کی دیکھ بھال کرنی ہے تودوسری طرف خاکی کا فرض نبھانا ہے۔ خاتون پولیس اہلکار دونوں ڈیوٹی کو با خوبی اچھی طرح سے انجام دے رہی ہیں۔
لاک ڈاؤن میں خواتین پولیس اہلکاروں کو 12 سے 15 گھنٹوں تک ڈیوٹی کرنی پڑتی ہے۔
اس سلسلے میں ای ٹی وی بھارت نے تھانہ مراد نگرمیں پولیس کی ڈیوٹی کرنے والی خواتین پولیس اہلکار سے لاک ڈاؤن کے درمیان خصوصی گفتگو کی۔
خاتون پولیس اہلکار سمن گوتم نے ای ٹی وی بھارت کو بتایا کہ لاک ڈاؤن میں ڈیوٹی کرنے کے دوران وہ اپنے بچوں کو والدین کے گھر پہنچا چکی ہیں۔ جہاں بچوں کا خیال ان کا شوہررکھ رہا ہے۔
اس کے ساتھ ہی خاتون پولیس اہلکار کا کہنا ہے کہ جب وہ اپنے بچوں سے فون پر بات کرتی ہیں تو بچے کہتے ہیں کہ ماں، آپ مودی جی سے بول دیں کہ ٹرین جلدی چلا دیں اور آپ اس میں بیٹھ کر گھرجلدی واپس آجائیں۔
