مظفرمگر: ریاست اترپردیش کے ہاپوڑ ضلع میں ایک خاتون وکیل کے ساتھ پولیس اہلکاروں نے بدتمیزی کی اور اپنے عہدے کا غلط استعمال کرتے ہوئے اسی متاثرہ خاتون ایڈوکیٹ کے خلاف مقدمہ درج کیا گیا۔ پولیس کی اس زیادتی اور عہدے کے غلط استعمال کی شکایت ضلع کے اعلیٰ حکام سے کرنے کے بعد بھی جب وکلاء کو انصاف ملنے کی کوئی امید نظر نہیں آئی تو ضلع کے وکلاء نے جمہوری طریقے سے پرامن مظاہرہ کرنے کا فیصلہ کیا۔
اس زیادتی کے خلاف احتجاج کیا لیکن پولیس اہلکاروں نے پرامن احتجاج کرنے والے وکلاء پر بغیر کسی وارننگ کے لاٹھی چارج شروع کر دیا۔جس کے نتیجے میں درجنوں وکلاء شدید زخمی ہو گئے، زیادتی کی انتہا اس وقت ہوئی جب مرد پولس اہلکاروں نے خواتین وکلاء پر بھی وحشیانہ تشدد کیا۔
ضلع ہاپوڑ کے پولیس اہلکاروں کے اس غیر قانونی لاٹھی چارج نے حکومت کی ساکھ کو بھی ٹھیس پہنچائی ہے۔ بغیر کسی وارننگ کے پرامن احتجاج کرنے والے وکلاء پر پولیس اہلکاروں کی طرف سے وحشیانہ لاٹھی چارج سے ہم وکلاء انتہائی ناراض ہیں۔
یہ بھی پڑھیں:AMU نرسنگ اسٹاف اور طلباء کے درمیان جھڑپ
اتر پردیش حکومت کے سربراہ ہونے کے ناطے آپ سے درخواست ہے کہ اس وحشیانہ لاٹھی چارج کا نوٹس لیں اور لاٹھی چارج کرنے والے پولیس اہلکاروں کے خلاف سنگین دفعات میں مقدمات درج کریں اور ایسے پولیس اہلکاروں کو فوری طور پر گرفتار کریں، تاکہ آگے حکومت کی ساکھ کو نقصان نہ پہنچے۔
