وکلا نے آئین کے خلاف نعرہ بازی کی

بی جی پی کے رکن پارلیمان انوراگھ ٹھاکر کے بعد اب وزیراعظم نریندر مودی کے پارلیمانی حلقے میں بھی متنازع نعرے بازی کی گئی۔

ریاست اتر پردیش کے ضلع بنارس میں وکلا کی طرف سے بی جے پی ایم پی انوراگ ٹھاکر کی نعرے بازی کو دہرایا گیا ہے، وکلا نے متنازع نعرہ بازی کر کے سی اے اے کی حمایت کی۔

ایک طرف جہاں دائیں بازو کی نظریات سے متاثر نوجوان نے دہلی کی جامعہ ملّیہ اسلامیہ کے طالب علم پر گولی چلائی وہیں اب وزیر اعظم نریندر کے پارلیمانی حلقہوارانسی میں وکیلوں کے ذریعے متنازع نعرہ بازی کی گئی ہے۔

در اصل وکلاء کی ایک جماعت سی اے اے اور این آر سی کی مخالفت میں احتجاجی مظاہرہ کررہی تھی وہیں دوسری طرف وکیلوں کے ایک دوسرے گروہ نے سی اے اے کی حمایت میں نعرے بازی کی اور ان کا نعرہ تھا ''دیش کے غداروں کو گولی مارو---- کو''۔

اس پورے معاملے میں ابھی ضلع انتظامیہ کی جانب سے کوئی بھی رد عمل سامنے نہیں آیا ہے۔ واضح رہے اس سے قبل دہلی میں بی جے پی رہنما انوراگ ٹھاکر کی قیادت میں ایک انتخابی ریلی میں اس نوعیت کی متنازعہ نعرہ بازی ہوئی تھی اور اس کے کچھ دن بعد ہی جامعہ کے طالب علم پر گولی سے حملہ کر زخمی کر دیا گیا۔