لکھیم پور تشدد واقعے کے ملزمان کو سزا دلانے اور مظلوموں کو انصاف کے لیے آج بھارتیہ کسان یونین کے کارکنان نے میرٹھ میں ضلع کلکٹریٹ آفس پر احتجاجی مظاہرہ کیا۔
اس دوران انہوں نے ایک میمورنڈم صدر جمہوریہ کے نام پیش کرتے ہوئے لکھیم پور تشدد کے ملزم اور مرکزی وزیر داخلہ کو برخاست کرنے اور زرعی قوانین کو ختم کرنے کا مطالبہ کیا۔
یہ بھی پڑھیں:حکومت بننے پر کسانوں کی بہبود کیلئے کام کیا جائے گا: چودھری جینت سنگھ
میرٹھ میں آج بھارتیہ کسان یونین نے ایک بار پھر ڈی ایم آفس کے باہر زرعی قوانین کے خلاف پر زور احتجاجی مظاہرہ کیا ساتھ ہی لکھیم پور میں ہوئے تشدد کے ملزمان کو سزا دلانے کے لیے صدر جمہوریہ کے نام ایک میمورنڈم پیش کرتے ہوئے کہا کہ جب تک کالے قانون کی واپسی نہیں ہوتی تب تک کسانوں کی گھر واپسی نہیں ہوگی۔
اس کے علاوہ لکھیم پور میں کسانوں کے ساتھ ہوئے مظالم کی مذمت کرتے ہوئے مرکزی وزیر داخلہ کو برخاست کرنے کا بھی مطالبہ کیا۔ ان کا کہنا تھا جب تک وزیر کو برخاست نہیں کیا جاتا تب تک لکھیم پور معاملے کی جانچ صحیح نہیں ہوگی۔
