لکھیم پور کھیری تشدد معاملے میں آج لکھیم پور کورٹ میں سماعت ہوئی۔ سماعت کے بعد کورٹ نے اپنا فیصلہ محفوظ کرلیا۔ تاہم کورٹ نے آشیش مشرا کو تین دن کے لیے پولیس ریمانڈ پر بھیجنے کا حکم دیا ہے۔
بتادیں کہ اترپردیش کے علاقے لکھیم پور کھیری میں گذشتہ دنوں ریاست کے نائب وزیر اعلیٰ کیشو پرساد موریہ اور مرکزی وزیر مملکت برائے داخلہ اجے مشرا کے دورے کے خلاف کسانوں کے احتجاج کے دوران تشدد پھوٹ پڑا جس میں آٹھ افراد ہلاک اور متعدد زخمی ہو گئے تھے۔ مشرا کے بیٹے آشیش پر تشدد پھیلانے کا الزام ہے کہ انہوں کسانوں پر گاڑی چڑھادی جس کی وجہ سے کسانوں کی موت ہوگئی۔
اس سلسلے میں گزشتہ دنوں سپریم کورٹ نے از خود نوٹس لیتے ہوئے سماعت کی تھی، جس میں سپریم کورٹ نے یوپی حکومت کو ایک دن کا وقت دیا تھا اور جمعہ کو تفصیلی رپورٹ داخل کرنے کو کہا تھا۔ اس رپورٹ میں مرنے والوں کی معلومات، ایف آئی آر کی معلومات، کس کو گرفتار کیا گیا اور انکوائری کمیشن وغیرہ کے بارے میں جانکاری دینا شامل تھا۔
- مزید پڑھیں: لکھیم پور تشدد معاملہ: سپریم کورٹ نے یوپی حکومت کی سخت سرزنش کی
- لکھیم پور تشدد معاملہ: آج بھارتیہ کسان یونین ملک بھر میں احتجاج کرے گی
- ورون گاندھی نے لکھیم پور سانحہ کی سی بی آئی تحقیقات کا مطالبہ کیا
وہیں جمعہ کے روز سپریم میں سماعت ہوئی، سماعت کے دوران عدالت نے یوپی حکومت کی سخت سرزنش کی۔ اس سلسلے میں اگلی سماعت 20 اکتوبر کو ہوگی۔
دوسری جانب سپریم کورٹ کی پھٹکار کے بعد پولیس نے آشیش مشرا کو گرفتار کر مشرا کو لکھیم پور کورٹ میں پیش کیا۔ سماعت کے بعد عدالت نے آشیش مشرا کو تین دن کے لیے پولیس ریمانڈ پر بھیجنے کا حکم دیا ہے۔'
