مئو: پانی کی نکاسی کا انتطام نہیں، عوام پریشان

اترپردیش کے ضلع مئو کے گاؤں اسلام پور میں بارش کا پانی جمع ہونے سے عوام کو کافی مشکلات کا سامنا کرنا پڑ رہا ہے اور اس جمع پانی سے بیماریوں کے پھیلنے کا خطرہ لاحق ہوگیا ہے۔

ریاست اترپردیش کے ضلع مئو کے گاؤں اسلام پور کا بیشتر حصہ بارش کے پانی سے بھرا ہوا ہے۔ یہاں کے باشندوں کے لیے زندگی کافی مشکل بھری ہے۔ لوگ اپنے روزمرہ کے کام بھی مکمل طور پر نہیں کر پا رہے ہیں۔ اسلام پور کے راستوں پر گھٹنوں تک پانی بھر گیا ہے۔ یہاں کے بچے، جوان اور بزرگ افراد اس گندے پانی اور کچے مکانات کی بنیاد سے گزر کر راستے پار کرتے ہیں۔ عوام کے مطابق یہ انتظامیہ کی ناقص کارکردگی کا نتیجہ ہے۔

اسلام پور میں مقیم پسماندہ طبقہ کے افراد کے لیے بہت زیادہ دقت پیش آرہی ہیں۔ یہاں کے لوگ روز کماکر اپنے اخراجات پورے کرتے ہیں۔ موسلادھار بارش کے بعد جمع ہوئے پانی سے یہاں کے باشندوں کے کاروبار پر بھی اثر پڑا ہے۔ یہاں رہائش پذیر ایک بزرگ خاتون کے مطابق کسی پریشانی یا بیماری کی حالت میں راستے سے گزرنا خطرے سے خالی نہیں ہے۔ اکثر پھسل کر گرنے سے چوٹ لگنے کے واقعات پیش آرہے ہیں۔ جھوٹے بچوں کے لیے یہاں خطرے زیادہ ہیں۔ گھروں سے بالکل قریب پانی جمع ہو گیا ہے۔

گاؤں میں جمع پانی کی نکاسی نہیں ہونے سے عوام کا جینا مشکل

گاؤں کے عوام کا کہنا ہے کہ انتظامیہ یہاں کی پریشانیوں پر کوئی توجہ نہیں دے رہی ہے، جس سے آئے دن گاؤں کے لوگوں کو متعدد مشکلات کا سامنا کرنا پڑتا ہے۔ عوام کا کہنا ہے کہ بارش کے پانی کی نکاسی کے لیے جلد سے جلد موثر عملی اقدامات کیے جائیں۔