مراد آباد: سڑک حادثے میں بچے کی موت، دو افراد زخمی

ضلع مرادآباد میں ایک تیز رفتار کار کی زد میں آنے سے ایک سات سالہ بچے کی موت واقع ہوگئی۔

اترپردیش کے ضلع مرادآباد میں تیز رفتار کار کی زد میں آنے سے ایک بچے کی موت ہوگئی جبکہ اس کے والد اور بھائی زخمی ہوگئے۔

پولیس ترجمان نے جمعہ کو یہاں بتایا کہ پاک بڑا علاقے کے دھنوپورا گاؤں باشندہ پرچون کاروباری ماسٹر قیوم جمعہ کی صبح اپنے دونوں بیٹوں فہیم اور عبدالکریم کے ساتھ کھڑے ہوکر دہلی۔لکھنو نیشنل ہائی وے پر گاڑی کا انتظار کررہے تھے۔

اسی دوران دہلی کی جانب سے آرہی تیز رفتار کار نے تینوں کو کچل دیا۔ حادثے میں سات سالہ عبدالکریم کی موقع پر ہی موت ہوگئی، جبکہ قیوم اور بڑا بیٹا فہیم شدید طور سے زخمی ہوگئے۔

انہوں نے بتایا کہ زخمیوں کو اسپتال میں داخل کرایا گیا ہے ۔ پولیس نے کار ڈرائیور کو حراست میں لے لیا ہے۔

یو این آئی