حق ایجوکیشن اینڈ ریسرچ فاؤنڈیشن ادارہ میں ڈے بورڈنگ کا نظام دو سال پہلے عمل میں آیا تھا جس کے پہلے حافظ قرآن ابوبکر نے قرآن کا حفظ مکمل کیا اس موقع پر ایک تقریب کا انعقاد کیا گیا جس میں ان کی دستار بندی کی گئی۔
حق ایجوکیشن اینڈ ریسرچ فاؤنڈیشن وہ ادارہ ہے جہاں مدرسے سے فارغ طلبا کو انگریزی اور کمپیوٹر کی تعلیم دی جاتی ہے۔ اس ادارے میں شعبۂ حفظ کے لیے ڈے بورڈنگ کا الگ سے انتظام کیا گیا ہے۔ جس میں طلبہ کے لئے قیام وطعام کے ساتھ ساتھ قرآن کو حفظ کرنے کا اہتمام کیا جاتا ہے۔ اس ادارے کو دو سال پہلے قائم کیا گیا تھا۔ مذکورہ ادارہ کے پہلے حافظ قرآن طالب علم ابوبکر ہوئے۔
ابوبکر مولانا متین الحق اسامہ قاسمی کے چھوٹے صاحبزادے ہیں اور یہ ادارہ بھی مولانا متین الحق اسامہ قاسمی مرحوم نے ہی قائم کیا تھا، مولانا متین الحق اسامہ قاسمی اپنی حیات میں جمعیت علماء ہند کے اترپردیش کے صدر تھے.
مزید پڑھیں:حافظ قرآن کو ملا ایم ڈی میڈیسین میں داخلہ
حق ایجوکیشن اینڈ ریسرچ سینٹر گزشتہ دس سالوں سے مدارس سے فارغ ہونے والے علماء کرام کو عصری تعلیم کے ساتھ ساتھ تکنیکی امور سے بھی واقف کرارہا ہے۔
اب اسی ادارے میں گزشتہ دو سالوں سے حفظ قرآن کا بھی اہتمام کیا گیا ہے جس میں بڑی تعداد میں طلباء زیر تعلیم ہیں۔
