ریاست اتر پردیش کے شہر کانپور کے مول گنج تھانہ علاقہ سے گرفتار مبینہ بنگلہ دیشی شخص سے اب کمشنریٹ پولیس 3 دن کے ریمانڈ پر پوچھ گچھ کر رہی ہے۔ ڈاکٹر رضوان اپنے خاندان کے ساتھ کانپور میں رہ رہے تھے۔ پولیس نے رضوان اور اس کے خاندان کے 6 افراد کو گرفتار کرکے جیل بھیج دیا۔ آئی بی،اے ٹی ایس پولیس سمیت کئی تفتیشی ایجنسیاں بنگلہ دیشی شہری سے پوچھ گچھ کر رہی ہیں۔Rizwan connection with Pakistan
رضوان جمعہ کی صبح 8 بجے سے اتوار کی شام 5 بجے تک پولیس کی تحویل میں ہے۔ تفتیشی ایجنسیاں اس سے اس کے پاکستانی کنکشن،حوالا کاروبار، بینک کھاتوں میں رقم کے اور بنگلہ دیشی منشیات فروش اور ایم ایل اے عرفان سولنکی کے ساتھ روابط کے بارے میں پوچھ گچھ کر رہی ہیں۔ پولیس نے سوالات کی ایک لمبی فہرست تیار کی ہے۔
مبینہ بنگلہ دیشی ڈاکٹر کو ریمانڈ پر لے جانے کے بعد جیسے ہی پولیس ٹیم جمعہ کی صبح کانپور جیل سے باہر آئی، صرف ایک گھنٹے کی پوچھ گچھ کے بعد وہ ہوائی جہاز سے دہلی اور پھر کولکتہ روانہ ہو گئے۔ مبینہ بنگلہ دیشی ڈاکٹر کے ساتھ پولیس گزشتہ شب کولکتہ پہنچی، جہاں ہفتہ کو تحقیقات شروع کی جانی ہے۔ ذرائع کی مانیں تو کولکاتہ سے ہی حوالات کا کاروبار پھلتا پھولتا تھا۔ کولکتہ جانے سے پہلے رضوان کو دہلی بھی لے جایا گیا، جہاں پوچھ گچھ کے دوران کئی باتیں سامنے آئی ہیں۔ دہلی میں کچھ مقامات پر رضوان کے کنکشن کی جانچ کی جا رہی ہے۔
مزید پڑھیں:UP ATS Arrests Bangladeshi National: دیوبند سے مشتبہ بنگلہ دیشی شخص گرفتار
