اترپردیش کے ضلع جونپور میں جامعہ گروپ آف ایجوکیشن نے قومی تغذیہ ماہ کے موقع پر ایک آگاہی تقریب کا اہتمام کیا جس میں بچوں نے مختلف پروگرامز پیش کیا۔
شہر میں واقع محلہ سپاہ مدر عائشہ چلڈرن اکیڈمی کے ہال میں جامعہ گروپ آف ایجوکیشن کے چیئرمین مولانا انوار احمد قاسمی کی صدارت میں قومی تغذیہ ماہ کے تحت بروز بدھ کو ایک آگاہی تقریب کا اہتمام کیا گیا۔ جس میں خون کی کمی، بچوں کی دیکھ بھال، لڑکیوں کی تعلیم، صاف و ستھرائی، اچھی غذا، حاملہ اور دودھ پلانے والی خواتین اور غذائی قلت کے شکار بچوں میں غذائیت کو بہتر بنانے کے لیے مشورے اور معلومات دی گئیں۔
پروگرام کا آغاز حافظ شکیل نے تلاوتِ قرآن سے کیا اور نظامت ڈاکٹر ابو اکرم نے کی۔ اس موقع پر مدر عائشہ چلڈرن اکیڈمی کے طلبا نے ویج اور نان ویج کے موضوع پر بحث میں حصہ لیا اور طلباء نے مختلف اقسام کے پھل اور سبزیوں کی بھی نمائش کی۔ بچوں کی حوصلہ افزائی کرتے ہوئے جامعہ گروپ آف ایجوکیشن کے چیئرمین مولانا انور احمد قاسمی نے شرکاء کو سرٹیفکیٹ اور اپنی دعاؤں سے نوازا۔
مولانا انور احمد قاسمی نے غذائی قلت پر روشنی ڈالتے ہوئے بچوں کو بتایا کہ جو لوگ غذائی قلت کا شکار ہیں ان کے لیے ہماری ذمہ داریاں کیا ہیں، ہمیں ان لوگوں کی کس طرح مدد کرنی ہے۔
انہوں نے کہا کہ پوری دنیا کے تمام لوگوں کی اپنی کوئی نہ کوئی تنظیم ہے جیسے مزدور ، اساتذہ ، طلباء ، تمام سیاسی جماعتوں کی الگ الگ تنظیمیں ہیں لیکن غذائی قلت کے شکار لوگوں کی کوئی تنظیم نہیں ہے تو ہمیں ان کے درد کو بھی سمجھنا ہوگا اور ان کے حقوق کے لیے سڑک سے لیکر پارلیمنٹ تک آواز اٹھانے کی ضرورت ہے۔
مزی پڑھیں:'قلت غذائیت کے شکار 50 فیصد بچوں کا تعلق بھارت سے'
ڈاکٹر مولانا ابو اکرم نے اپنے بیان میں کہا کہ ہمارا دین اسلام غذائیت کے خاتمے کے بارے میں بھی بتاتا ہے ۔حضرت محمد صلی اللہ علیہ وسلم نے ہمیں اپنے گھر سے چہار جانب میں 40 گھروں کی دیکھ بھال کرنے کا درس دیا ہے اگر ہم سب نبی کے اس فرمان پر عمل پیرا ہو جائیں تو پھر کبھی کوئی بھوکا نہیں رہے گا۔
قومی غذائیت ماہ کے تحت ستمبر کا مہینہ پورے ملک میں قومی غذائیت ماہ یا قومی نیوٹریشن ماہ کے طور پر منایا جاتا ہے۔ قومی تغذیہ مہم کی شروعات 2018 میں ہوئی تھی جس کا مقصد غذائیت کے چیلنجوں سے نمٹنا ہے۔
