مرادآباد:ریاست اترپردیش کی حکومت کی جانب سے حلال سرٹیفیکیٹ والی اشیا کی خرید و فروخت پر پابندی عائد کرنے کے فیصلے کے بعد ہنگامہ کھڑا ہوگیا ہے۔جمعیت علمائے ہند نے حلال سرٹیفیکیٹ والی اشیا کی خرید و فروخت پر پابندی پر اعتراض کا اظہار کیا ہے۔
اس سلسلے میں یوپی حکومت کے حلال سرٹیفکیٹ پر جمعیۃ علماء ہند کا بیان سامنے آیا، جمعیت کے قانونی مشیر کعب راشدی نے کہا کہ جمعیت عرصہ دراز سے یہ کام کر رہی ہے۔جمعیت کو اس کام کے لیے حکومت ہند کی صنعتی وزارت نے اختیار دیا ہے۔
انہوں نے کہاکہ اس نے کچھ اصول مقرر کیے ہیں جو بھی گروپ ان اصولوں پر عمل کرتا ہے وہ کسی بھی کمپنی کو سرٹیفکیٹ جاری کر سکتا ہے۔
جمعیت اپنی سطح پر نہیں کر رہی، حکومت ہند کے کہنے پر کر رہی ہے۔اگر اترپردیش حکومت کو اس پر کسی قسم کا کوئی اعتراض ہے تو اسے مرکزی حکومت سے بات کرنی چاہئے۔
یہ بھی پڑھیں:علیگڑھ میں حلال سرٹیفکیسن والے مصنوعات کی تلاشی شروع
ان کا کہنا ہے کہ 2014 سے اب تک ہندوستان دنیا کا سب سے بڑا گوشت ایکسپورٹ کرنے والا ملک بن چکا ہے۔ہمارا ملک ہزاروں کروڑ کا گوشت برآمد کرتا ہے، حلال سرٹیفکیٹ کے بغیر خلیج میں نہیں جا سکتا، ٹیگ ہٹاتے ہی کوئی مسلم ملک اسے قبول نہیں کرے گا۔یہ میرا پرسنل لاء ہے، اس پر کسی کو کوئی اعتراض نہیں ہونا چاہیے۔
