میرٹھ:اتر پردیش کے ضلع میرٹھ میں میرٹھ میں گنگا اور جمنا کو آلودگی سے پاک رکھنے کے لئے اسماعیل ڈگری گرلز ڈگری کالج اور راجکیہ سنگھراہلیہ کے اشتراک سے 12 جنوری سے 20 جنوری کے درمیان آرٹ نمائش کا اہتمام کیا گیا۔
اس نمائش میں گنگا کو آلودگی سے بچانے کے ساتھ ثقافتی اہمیت کو بھی پینٹنگ کے ذریعہ لوگوں تک پہنچانے کی کوشش کی گئی ہے. تاکہ گنگا جمنا کو بچانے کے ساتھ ہندوستانی تہذیب کو اور ثقافت کو زندہ رکھا جا سکے.
ساتھ ہی ان پینٹنگ کی نبمائش کے ذریعہ زندگی دینے والی گنگا اور جمنا کی اہمیت کو سمجھنے اور انہیں آلودگی سے بچانے کا پیغام دینے کی کوشش کی گئی۔ پینٹنگ میں ہندوستانی ثقافت اور زندگی کے لئے گنگا جمنا ندیوں کی اہمیت کو بیان کرتے ہوئے عوام سے اپیل بھی کی گئی ہے کہ وہ اسے بطور ورثہ محفوظ رکھیں۔ پینٹنگ کا اہتمام ایک ہفتے کے لئے ہر عوام و خاص کے لئے کیا گیا ہے.
میرٹھ کے راجکیہ سنگھراہلیہ میں منعقدہ آرٹ نمائش میں جہاں گنگا اور جمنا ندی کے ورثہ کو بچانے کا پیغام دیا گیا ہے وہیں اس کو آلودگی سے پاک رکھنے کے لئے بھی عوام سے اپیل کی گئی تاکہ ہمارے ملک کی تہذیبی ورثہ کو بچایا جائے.
میرٹھ میں واقع اسماعیل گرلز ڈگری کالج کی پرنسپل ڈاکٹر انیتا راٹھی نے کہاکہ نمائش کا مقصد اس تاریخی ندی کی اہمیت سے لوگوں کو واقف کرانا ہے۔اگر لوگ اس کی اہمیت سے واقف ہو جائیں گے تو اس کی حفاظت کی کوشش کرنے لگے ۔کیونکہ اس سے گنگاجمنی تہذیب بھی جڑی ہوئی ہے۔