اتر پردیش کے ضلع بارہ بنکی میں اسکول کی سطح کھیلے گئے پہلے عشرت اللہ خاں میموریل فٹبال مقابلے میں جیتنے والی ٹیم ڈی ایف اے کو انعام اور ٹرافی سے نوازا گیا۔
سابق ریاستی وزیر اروند کمار سنگھ نے فاتح ٹیم کو انعام سے نوازتے ہوئے تندرست رہنے کے لئے کھیلوں پر زور دیا۔ انہوں نے کہا کہ جو انسان کھیل میں ذرا بھی دلچسپی رکھتا ہے وہ تندرست رہے گا۔
واضح ہو کہ کے ڈی سنگھ بابو اسٹیڈیم میں پہلے عشرت اللہ خاں انٹر اسکول فٹبال مقابلے کا آغاز جمعرات سے ہوا تھا۔
دو روزہ اس مقابلے میں ضلع کے متعدد اسکولوں کی ٹیموں نے حصہ لیا۔ فائنل مقابلہ ساروجنک انٹر کالج حیدرگڑھ اور ضلع فٹبال ایسوسی ایشن کے درمیان ہوا۔ میچ کے پیلے ہاف میں ڈی ایف اے نے 1 گول کیا۔
دوسرے ہاف میں ڈی ایف اے کی ٹیم نے تابڑتوڑ تین گول داغے۔ اس طرح ڈی ایف اے نے 4-0 سے فائنل مقابلہ جیت کر خطاب حاصل کر لیا۔ سابق ریاستی وزیر اروند کمار سنگھ نے پہلے عشرت اللہ انٹر اسکول فٹبال مقابلے کی فاطح ٹیم کو ٹرافی اور انعام سے سرفراز کیا۔ انہوں نے فاتح ٹیم کو مبارکباد پیش کی۔
