بس لکھنؤ سے دہلی آنند ویہار ٹرمنل جارہی تھی اور اس میں 44 مسافر سوار تھے۔ زخمی 18 مسافروں میں سے سات کی حالت کافی نازک ہے۔
اترپردیش کے وزیر اعلی یوگی آدتیہ ناتھ نے اس پورے حادثے کی تفتیش کے لئے سہ رکنی ٹیم تشکیل دی ہے اور مہلوکین کے اہل خانہ کو 5۔5 لاکھ روپئے بطور مالی امداد کے دینے کا اعلان کیا ہے۔اس ضمن میں وزیر اعلی نے کہا کہ تفتیش کرنے والی ٹیم ٹرانسپورٹ کمشنر، ڈویژنل کمشنر(آگرہ) اور انسپکٹر جنرل آف پولیس آگرہ پر مشتمل ہے۔ جو کہ حادثے کی پوری تفصیلات فراہم کریں گے اور 24 گھنٹوں کے اندر اپنی روپورٹ سونپے گے۔ رپورٹ میں ان سفاشات کا بھی تذکرہ ہوگا جس کی بنیاد پر ہم مستقبل میں ایسے حادثات سے بچ سکتے ہیں۔
یو پی کے دو سینئر وزراء نائب وزیر اعلی ڈاکٹر دنیش شرما اور وزیر ٹرانسپورٹ سونتر دیو سنگھ وزیر اعلی کی ہدایت پر جائے وقوع پر پہنچ گئے ہیں۔انہوں نے اس حادثے میں زخمی ہونے والے مسافروں کی عیادت کے لئے اسپتال کا بھی دورہ کیا اور زخمیوں سے بات چیت کی۔
اس ضمن میں وزیر اعظم نریندر مودی، وزیر داخلہ امت شاہ،وزیر دفاع راج ناتھ سنگھ سمیت یو پی کے گورنر رام نائک و وزیر اعلی یوگی آدتیہ ناتھ سمیت دیگر پارٹیوں کے لیڈران نے اس حادثے پر اپنے گہرے رنج و غم کا اظہار کیاہے۔
وزیراعظم نے اپنے ٹوئٹ میں کہا’’آگرہ میں پیش آئے بس حادثے سے کافی غمگین ہوں،سوگوارلواحقین کے ساتھ ہماری ہمدریاں،میں دعا گوں ہوں کہ حادثے میں زخمی ہونے والے جلد از جلد صحت یاب ہو جائیں‘‘ ۔ریاستی حکومت اور مقامی انتظامیہ متاثرین کو ہر ممکن مدد فراہم کررہے ہیں۔
وہیں وزیر داخلہ و بی جے پی صدر امت شاہ نے اپنے ٹوئٹ میں لکھا’’ یمنا ایکسپریس پر پیش آئے حادثے میں مہلوکین کے تئیں میں اپنی تعزیت کاا ظہار کرتا ہوں اور پرامید ہوں کہ زخمی ہونے والے تمام افراد کو جلد از جلد شفا ملے گی۔
وزیر دفاع راج ناتھ سنگھ نے حادثے کی خصوصی دھیان دیا ہے۔اس ضمن میں انہو نے آگرہ کے ڈسٹرکٹ مجسٹریٹ اور وزیر ٹرانسپورٹ سونترا دیو سنگھ سے بات کی اور زخمیوں کے مناسب علاج کے ہر ممکن امداد کی ہدایت دی۔اس حادثے کے زیادہ تر متاثرین کا تعلق لکھنؤ سے ہے اور مسٹر سنگھ لکھنؤ پارلیمانی حلقے سے ہی رکن پارلیمان ہیں۔
ابتدائی جانچ کے مطابق ڈرائیور کے بس سے قابو کھونے کے بعد بس 50 فٹ اوپر سے نالے میں گر گئی۔یہ حادثے علی الصبح تقریبا ساڑھے چار بجے پیش آیا۔مہلوکین میں 27 مرد، ایک خاتون اور ایک بچہ شامل ہیں۔ ابھی تک 19 مرنے والوں کی شناخت کی جاسکی ہے جن میں سے اکثریت کا تعلق لکھنؤ سے ہے۔
آگرہ کے ڈسٹرکٹ مجسٹریٹ این جی روی کمار کے مطابق ایسا معلوم ہوتا ہے کہ ڈرائیور نے نشہ کررکھا تھا۔ابھی تک 29 مسافروں کو مردہ قرار دیا گیا اور راحت ورسانی کا ہنوز جاری ہے۔بس 50 فٹ اوپر سے نالے میں گری ہے۔
ایس ایس پی آگرہ نے میڈیا نمائندوں سے بتایا کہ یہ کافی دلخراش حادثہ ہے۔متاثرین کو بچانے کے لئے کوششیں جاری ہیں۔ ابھی تک 29 افراد کی لاشیں برآمد کی گئی ہیں اور زخمیوں کو علاج کے لئے اسپتال میں داخل کرایا گیا ہے۔پولیس نے متاثرین کے اہل خانہ کی آسانی اور ان کی جانب سے کسی بھی معلومات کے لئے 05622260001 ٹول فری نمبر جاری کیا ہے۔
وہیں حادثے میں زخمی ہونے والے مسافروں نے پولیس کو بتایا کہ پہلے بس ایکسپریس وے کی ریلنگ سے ٹکرائی اور پھر سیدھے نالے میں جاگری۔جنر تھ بس لکھنؤ اور غازی آباد کے درمیان چلتی تھی لیکن مسافروں کی بھیڑ کی وجہ سے اسے آنند ویہارٹرمینس کے لئے روانہ کیا گیا تھا۔
ابھی تک 19 مسافروں کی شناخت ہوئی ہے جن کے نام اس طرح سے ہیں۔
سدھارتھ دوبے(لکھنؤ)، ستیہ پرکاش شرما(غازی آباد)، دھیرج پانڈے(لکھنؤ)،اوینیش اوستھی(لکھنؤ)ستیہ پرکاش تیواری(گونڈہ)،آدتیہ کشیپ(گورکھپور)، پریم چندر(ہریانہ)، وجے بہادر(رائے بریلی) حضور عالم(دہلی)، پرگیہ مشرا(لکھنؤ)دیپک سنگھ(لکھنؤ)دھیرنیدر پرتاپ سنگھ(پونے)انکش سریواستو(گجرات)،آکاش سریواستو(لکھنؤ)،انتخاب احمد(لکھنؤ)،امت کمار(گورکھپور)، دیپک کمار پانڈے(مہاراشٹرا)۔
