اترپردیش کے رامپور میں ملک کا پہلا امرت سروور تعمیر کیا گیا ہے، جس کا افتتاح آج اقلیتی بہبود کے مرکزی وزیر مختار عباس نقوی نے کیا۔ اس موقع پر ان کے ساتھ آبی وسائل کے ریاستی وزیر سوتنتر دیو سنگھ اور بلدیو سنگھ اولکھ بھی موجود رہے۔India's First 'Amrit Sarovar' Inaugurated In Rampur
رامپور ضلع کے پٹوائی گاؤں میں ملک کا پہلا امرت سروور تعمیر کیا گیا ہے۔ جس کا آج پروقار افتتاح اقلیتی بہبود کے مرکزی وزیر مختار عباس نقوی نے کیا۔ اس موقع پر آبی وسائل کے ریاستی وزیر سوتنتر دیو سنگھ اور ریاستی وزیر بلدیو سنگھ اولکھ بھی موجود رہے۔ افتتاح کے بعد امرت سروور کو عوام کے لیے کھول دیا گیا۔ امرت سروور کے افتتاح کے بعد تینوں وزراء نے کشتی کی سیر کا لطف لیا۔ اس دوران مرکزی وزیر نقوی نے خطاب کرتے ہوئے کہا کہ وزیر اعظم مودی اور وزیر اعلیٰ یوگی کی ہدایت کے مطابق سروور تیار کئے جانے خواب شرمندہ تعبیر ہو سکا ہے۔ انہوں نے کہا کہ یہ مقام عوام کی توجہ کا مرکز بنے گا۔
غور طلب ہے کہ رامپور ضلع کے گاؤں پٹوائی میں ایک تالاب کو امرت سروور کے طور پر سجایا گیا ہے۔ اس کا مقصد سیاحت کو فروغ دینا ہے۔ جس مقام پر اس جھیل کی تعمیر کی گئی ہے یہاں پہلے ایک تالاب تھا جس میں گندگی کا انبار لگا رہتا تھا اور اب یہاں امرت سروور کے نام سے خوبصورت جھیل تعمیر کر دی گئی ہے۔ ہندو اکثریتی والے پٹوائی گاؤں میں اس امرت سروور کی تعمیر اقلیتی بہبود کی وزارت کی جانب سے کی گئی ہے۔ جس میں تقریباً 70 لاکھ روپے کی لاگت آئی ہے۔ جھیل میں سیر و تفریح کے لئے کشتیوں کا نظم کیا گیا ہے۔ اس کے علاؤہ یہاں فوارے بھی لگائے گئے ہیں۔ ساتھ ہی امرت سروور کے آس پاس کھانے پینے کے اسٹالز بھی لگائے ہیں۔
یہ بھی پڑھیں: Azadi Ka Amrit Mahotsav: گوتم بدھ نگر میں آیوشمان بھارت بلاک ہیلتھ میلے کا انعقاد
