آنند کمار بی ایس پی کے نائب صدر ہیں۔ بتایا جا رہا ہے کہ یہ کمرشیل پلاٹ ہے۔
محکمہ انکم ٹیکس نے نوئیڈا میں 28000 اسکوائر میٹر زمین سیل کی ہے جس کی قیمت 400کروڑ بتائی جاتی ہے لیکن بازار کی قیمت کے اعتبار سے دیکھا جائے تو اس کی مجموعی قیمت بہت زیادہ ہے۔
واضح رہے کہ 2017 میں انکم ٹیکس نے آنند کمار سے پوچھ گچھ کی تھی۔
محکمہ انکم ٹیکس کے مطابق آنند کمار نے دہلی کے ایک تاجر ایس کے جین کے تعاون سے کئی کروڑ کی بے نامی املاک بنائی تھی۔ اس معاملے میں ایس کے جین کو بوگس کمپنی معاملے میں انفورسمنٹ ڈائریکٹوریٹ نے گرفتار کر لیا تھا۔
ایک رپورٹ کے مطابق 2007 سے 2012 تک آنند کمار کی نیٹ ورتھ 7.5 کروڑ سے بڑھ کر 1316 کروڑ ہو گئی تھی۔
آنند کمار پر الزام عائد کیا گیا کہ انہوں نے جعلی کمپنیز بنا کر کئی ہزار کروڑ روپے کی بے نامی املاک خریدی۔ انہیں کمپنیز کی مدد سے نوٹ بندی کے دوران کروڑوں روپے تبدیل بھی کروائے تھے۔ اس طرح اب آنند کمار کی مشکلات بڑھ سکتی ہیں۔
اس طرح کی خبر ہے کہ انفورسمنٹ ڈائریکٹوریٹ بھی چھاپے مارنے کی تیاری میں ہے۔ اس معاملے میں ای ڈی نے منی لانڈرنگ کیس درج کیا تھا۔ ایسے میں آنند کمار پر کی گئی کارروائی کی آنچ مایاوتی تک پہنچ سکتی ہے۔
خاص طور سے 2022 کے اسمبلی انتخابات سے قبل ان کی مشکلات میں مزید اضافہ ہو سکتا ہے۔
