ریاست اترپردیش کے سہارنپور میں نگر نگم کی جانب سے فیس ماسک اے ٹی ایم مشین کا افتتاح کیا گیا ہے۔ کورونا وبا سے عوام کو محفوظ رکھنے کے لئے نگر نگم نے یہ اقدامات کئے ہیں۔
اطلاعات کے مطابق اس مشین سے صرف پانچ روپے میں ماسک دستیاب ہوگا۔ اس سلسلے میں نگر آیکت گیانندر سنگھ نے بتایا کہ یہ مشین جلد ہی سہارنپور کی عام جگہوں پر نصب کیا جائے گا تاکہ بغیر ماسک کے گھوم رہے لوگوں کو کرونا جیسی مہاماری سے بچایا جاسکے۔
انہوں نے بتایا یہ نظم اس لئے کیا گیا ہے کہ کوئی بھی شخص بغیر ماسک کے آتا ہے یا کسی کا ماسک پرانا ہوگیا ہے تو وہ مشین میں پانچ روپے کا سکہ ڈال کر سینی ٹائز کیا ہوا ماسک دستیاب کرسکتا ہے۔
انہوں نے بتایا کہ پوری ریاست میں یہ پہلا نگر نگم ہے جس نے یہ شروعات کی ہے، جلد ہی عام جگہو ں پر یہ مشین نصب کردی جائے گی، جس سے غریب عوام فائدہ حاصل کرسکتے ہیں۔
