اتر پردیش: ضلع مرادآباد کے محلہ لال باغ میں واقع مدرسہ اکرم العلوم کی جانب سے تعمیر شدہ اکرمی کانونٹ اسکول کا آج سماج وادی پارٹی کے ممبر آف پارلیمنٹ ڈاکٹر ایس ڈی حسن کے ہاتھوں افتتاح کیا گیا۔ Modern Education in Madrasa Akram Uloom
اس موقع پر مرادآباد شہر کے مفتی عبدالامنان کلیمی نے بتایا کہ دور جدید میں طلبا کو دینی تعلیم کے ساتھ ساتھ عصری تعلیم دینا بہت ضروری ہے۔ اسی مقصد سے مدرسہ کی جانب سے اکرمی کانونٹ اسکول کا افتتاح کیا گیا۔ اب بچے دینی و عربی تعلیم کے ساتھ ساتھ مدرسے میں ہندی، انگلش، اردو اور میتھس کی تعلیم بھی حاصل کریں گے۔
میڈیا کی جانب سے وزیر اعظم نریندر مودی کا سپنا، مسلمانوں کے ایک ہاتھ میں قرآن اور دوسرے ہاتھ میں کمپیوٹر کے سوال پر ڈاکٹر ایس ڈی حسن نے کہا کہ جب وزیر اعظم نریندر مودی نے یہ جملہ کہا تھا تب ہم نے مطالبہ کیا تھا کہ جو حکومت کی جانب سے مدرسے کھولے گئے ہیں پہلے ان مدرسوں کہ اساتذہ کی تنخواہ دینی چاہیے تب جاکر وزیر اعظم کا خواب پورا ہوسکتا ہے۔
