زرعی قوانین کو واپس لینے کے لئے کسانوں کے احتجاجی مظاہرے جاری ہیں۔ حکومت بے بس نظر آرہی ہے وہ صرف ضد پر اڑی ہے۔ ادھر گوتم بدھ نگر ضلع انتظامیہ نے نوئیڈا، گریٹر نوئیڈا میں سیکشن 144 نافذ کرنے کا فیصلہ کیا ہے۔
کمشنر آف پولیس آلوک سنگھ نے اتوار کے روز نوئیڈا سیکٹر-108 میں واقع دفتر میں ضلع کے تمام پولیس گزٹ افسران کے ساتھ ایک میٹنگ کی۔ میٹنگ میں کمشنر پولیس نے ضلع میں سیکشن 144 کو موثر انداز میں نافذ کرنے کے سلسلے میں ہدایات دیں۔ 8 دسمبر کو جگہ جگہ اور کسانوں کے مظاہرے کے ساتھ ضلع میں امن وامان برقرار رکھنے کے لئے ضروری ہدایات دی گئیں۔
اہم بات یہ ہے کہ کسان یونین کے لوگ ضلع کے چلہ بارڈر سمیت دلت پریرینا استھل پر زرعی قانون کے خلاف احتجاج کر رہے ہیں۔ کسان تنظیموں نے 8 دسمبر کو بھارت بند کا مطالبہ کیا ہے، جس کی حزب اختلاف کی جماعتوں نے حمایت کی ہے۔
اس کے علاوہ ضلع کے کسانوں نے دہلی-نوئیڈا بارڈر پر ضروری خدمات کی فراہمی میں خلل ڈالنے کا بھی انتباہ کیا ہے۔ جس کی وجہ سے پولیس انتظامیہ محتاط ہو رہی ہے۔ اسی تسلسل میں پولیس کمشنر نے یہ اجلاس منعقد کیا۔ اجلاس میں کورونا وبا کے پیش نظر پولیس انتظامیہ کی جانب سے دفعہ 144 نافذ کرنے کا فیصلہ کیا گیا۔
ایڈیشنل ڈپٹی کمشنر پولیس، لاء اینڈ آرڈر آشوتوش دویدی نے دفعہ 144 پر عمل درآمد کے لئے متعدد رہنما خطوط جاری کرتے ہوئے کہا ہے کہ 23 دسمبر کو سابق وزیر اعظم چودھری چرن سنگھ کا یوم پیدائش، 25 دسمبر، سال کے آخری دن 31 دسمبر اور نئے سال کے یکم جنوری کو کے مواقع پر مختلف پروگراموں کا اہتمام کیا جائے گا۔ اس موقع پر سماج دشمن عناصر کے ذریعہ امن نظام کو خراب کرنے کا خدشہ ہے۔
