ہردوئی: لاکھوں روپے کی ناجائز شراب برآمد

ریاست اترپردیش کے ہردوئی ضلع میں پولیس کو بڑی کامیابی ملی ہے یہاں پولیس نے ناجائز شراب کے ذخیرہ کو برآمد کیا ہے۔

دراصل ایس ٹی ایف اور ہردوئی پولیس نے مل کر پالی پولیس اسٹیشن علاقے میں روپاپور چوراہے پر 'ہائی وے' سے ایک ڈی سی ایم کے اندر لاکھوں کی ناجائز شراب برآمد کی ہے۔

پولیس کے مطابق 'شراب کی قیمت لاکھوں روپے میں بتائی جا رہی ہے۔'

ایس پی ہردوئی امیت کمار نے بتایا کہ 'یہ ڈی سی ایم بہار کی طرف جا رہی تھی جس میں 910 پیٹی ناجائز شراب موجود ہیں جو کہ اروناچل پردیش صوبے کی ہے اور اس کی قیمت تقریباً 32 لاکھ 76 ہزار روپے کی ہے، اس ناجائز شراب کے ساتھ امرت ویر سنگھ نام کے شخص کی گرفتاری کی گئی ہے۔'

پولیس کے مطابق 'اس ناجائز شراب کے کاروبار کے تار کافی بڑی شخصیت سے بھی جڑے ہوئے معلوم ہوتے ہیں۔'

پولیس اس معاملے کی تفتیش کر رہی ہے فی الحال جو ملزم پکڑا گیا ہے اس کو گرفتار کر کے جیل بھیج دیا گیا ہے۔