مظفرنگر ایس ایس پی ابھیشیک یادو کے ذریعہ ملزمین کے خلاف شروع کی گئی مہم کو اس وقت بڑی کامیابی ملی ہے، جب منصور پور تھانہ انچارج کوشل پال سنگھ کے ذریعہ تشکیل کی گئی ٹیم نے ایک مخبر کی اطلاع پر دودہ ہری راستے پر واقع مہارشی دیانند انٹر کالج کی خالی عمارت پر چھاپے ماری۔ اس وقت عمارت میں چار ملزمین غیر قانونی اسلحہ بنا رہے تھے۔
پولیس کے پہنچنے کے بعد ملزمین اور پولیس کے درمیان تصادم ہوا، جس میں پولیس نے چار ملزمین کو گرفتار کرلیا، لیکن ان کا ایک ساتھی موقع سے فرار ہونے میں کامیاب ہوگیا۔
پولیس نے ان کے قبضے سے غیر قانونی اسلحہ برآمد کیا، ساتھ ہی طمنچے اور اسلحہ بنانے کا ساز و سامان بھی برآمد کیا ہے۔
مزید پڑھیں:ادھمپور: 17 کلو چرس کے ساتھ تین افراد گرفتار
اس حوالے سے ایس پی سٹی مظفرنگر نے پریس کانفرنس کے دوران مزید معلومات دیتے ہوئے بتایا کہ منصور تھانہ علاقے کی پولیس نے غیرقانونی اسلحہ بناتے چار ملزمین کو گرفتار کیا ہے، جن کے قبضے سے پولیس نے غیر قانونی اسلحہ اور اسلحہ بنانے کا ساز و سامان برآمد کیا ہے۔گرفتار شدہ تمام ملزمین شاطر قسم کے ملزمین ہے، ان چاروں کو جیل بھیجا گیا ہے۔
