اترپردیش اسمبلی انتخابات کی تیاریوں میں تمام پارٹیاں اپنے اپنے طریقے سے مصروف عمل ہیں۔اترپردیش کے نوئیڈا میں کانگریس پارٹی کے عہدیداران اور کارکنان بھی اتر پردیش کی انچارج پرینکا گاندھی کی ہدایت پر عمل کرتے ہوئے عوام کو پارٹی سے جوڑنے کا کام کر رہے ہیں۔ساتھ ہی جگہ جگہ بوتھ بنا کر ووٹر لسٹ میں لوگوں کے نام جوڑے جا رہے ہیں۔
آل انڈیا غیر منظم ورکرز کانگریس ( unorganised workers Congress) کے ریاستی جنرل سکریٹری جاوید خان اپنی ذاتی کوششوں سے کانگریس کو کافی مستحکم اور مضبوط کرنے میں لگے ہوئے ہیں۔
اس سلسلہ میں انہوں نے سیکٹر 12 میں ووٹر بوتھ لگا کر شناختی کارڈ کے لئے سینکڑوں فارمز پر کر کے جمع کرائے اور گھر گھر جا کر لوگوں سے فارم بھرنے کی درخواست بھی کر رہے ہیں۔
یہ بھی پڑھیں:Demand to Repeal CAA: اویسی نے حکومت سے 'سی اے اے' واپس لینے کا مطالبہ کیا
اس کے ساتھ کانگریس کی پالسیز اور پریانکا گاندھی کے انتخابی اعلانات کی بھی تشہیر کر رہے ہیں۔جاوید خان کا کہنا ہے کہ کہ وہ چاہتے ہیں کہ تمام لوگوں کے شناختی کارڈ بن جائیں کیونکہ شناختی کارڈ سے ووٹ ڈالنے کے ساتھ ساتھ دیکر فوائد بھی حاصل ہوتے ہیں۔
انہوں نے کہا کہ موجودہ حکومت سے عوام پریشان اور نا امید ہے۔ پرانے دنوں کو یاد کر رہے ہیں اور چاہتے ہیں کہ کانگریس پھر دوبارہ واپس آئے۔
جاوید خان کا نوئیڈا کے نوجوان اور متحرک رہنماؤں میں شمار ہوتا ہے۔نوئیڈا میں انہوں نے اپنی کاوش سے کانگریس کو کافی مستحکم کیا ہے۔
