ریاست اترپردیش کے ضلع بہرائچ میں ایک شوہر نے اپنی بیوی کو تیز دھار والے ہتھیار سے حملہ کرکے قتل کر دیا اور لاش کو گدے میں لپیٹ کر فرار ہو گیا۔
اطلاعات کے مطابق بہرائچ میں ایک شوہر نے اپنی بیوی کو دھاردار ہتھیار سے حملہ کرکے قتل کر دیا اور لاش کو ٹکڑے ٹکڑے کرکے گدے میں لپیٹ کر گھر سے فرار ہوگیا۔
اس تعلق سے سرکل آفیسر ٹی این دوبے نے بتایا کہ بہرائچ کے کوتوالی شہر کے ناظر پورہ محلے کا رہائشی بھولو کی آج اپنی بیوی سے کسی بات کو لے کر کہا سنی ہوگئی۔
معاملے سے مشتعل شوہر نے اپنی بیوی پر دھاردار ہتھیار سے حملہ کر دیا جس سے اس کی موقع پر ہی موت واقع ہوگئی۔ اس کے بعد شوہر نے مقتول کی لاش کو گدے میں لپیٹ کر بیڈ کے نیچے ڈال دیا۔
واقعے کی اطلاع پر پولیس اور فورنسک ٹیم موقع پر پہنچی اور لاش کو قبضے میں لے کر پوسٹ مارٹم کے لئے ہسپتال روانہ کر دیا ۔
اس دوران موقع سے موجود ملزم کے والدین کو پولیس نے حراست میں لے کر پوچھ تاچھ کر رہی ہے۔
