ریاست اتر پردیش کے ضلع بارہ بنکی کی سماجی و ادبی تنظیم 'سوسائٹی فار ایجوکیشنل اینڈ سوشل ایکٹیوٹیز' کی جانب سے 'اردو سمت و رفتار' کے موضوع پر سیمنار کا اہتمام کیا گیا۔
سیمنار میں اردو ادب کی تمام شخصیات کے ساتھ اردو صحافیوں اور اردو کے فروغ میں مسلسل سرگرم رہنے والوں نے شرکت کی اور اردو کی موجودہ صورتحال اور اس کے فروغ کے نسخے بتائے۔
سیمینار میں بہار مائینارٹی ویلفیئر اینڈ پروموشن آف اردو مومینٹ کے بانی معین شکیل نے اپنا کلیدی مقالہ پیش کیا۔ انہوں نے اتر پردیش اور خاص کر کے بارہ بنکی میں اردو کے فروغ کے لئے ہو رہی کوششوں کی ستائش کی۔ اس کے علاوہ اردو کی موجودہ صورتحال کی وجوہات بیان کیں۔
انہوں نے کہا کہ اردو کی اس صورتحال کے لئے ہم خود ذمہ دار ہیں، ہم انگریزی کی وجہ اپنی زبان سے دور ہوئے ہیں۔ انہوں نے مشورہ دیا کہ اردو سے منسلک تمام عہدوں پر بیٹھے لوگوں کو اردو کے فروغ کے لئے کوششیں کرنی ہوں گی۔
مزید پڑھیں: جامعہ کے طالب علم نے اسرو کے امتحان میں اول مقام حاصل کیا
سیمنار میں اردو ایکٹیویسٹ فضل انعام مدنی، صحافی طارق خان، چودھری طالب نجیب، شہاب خالد جیسی شخصیات نے اپنا مقالعہ پیش کیا۔ سیمنار کی صدارت اردو کے سینئر صحافی حشمت اللہ نے کی۔
