قومی دارالحکومت دہلی سے متصل نوئیڈا میں ضلع انتظامیہ کورونا وائرس کے انفکشن سے محفوظ رہنے اور کورونا مریضوں کو بروقت مناسب علاج فراہم کرنے کے لئے ہوم آئسولیشن کی سہولت بھی فراہم کر رہی ہے تاکہ ہوم قرنطین کے تمام مریضوں کے علاج اور صحت سے متعلق جانکاری ضلع انتظامیہ اور ڈاکٹرز کو ہو اور ان کے علاج پر مستقل نگرانی کی جا سکے۔
اس مقصد کے حصول کے لئے ضلع انتظامیہ نے 'اینٹیگریٹیڈ کنٹرول روم' کے ساتھ ایک کال سینٹر بھی شروع کیا ہے۔
اس کال سینٹر کا افتتاح ضلع مجسٹریٹ سہاس ایل وائی نے کیا۔ انہوں نے ہوم قرنطین مریضوں سے گفتگو کرتے ہوئے خیریت دریافت کی اور دستیاب علاج کے بارے میں معلومات حاصل کیں۔
مزید پڑھیں: سیلاب زدہ گاؤں کو وزیراعلیٰ یوگی کی ہدایت
واضح رہے کہ ڈسٹرکٹ مجسٹریٹ کے ذریعہ شروع کیے گئے کال سنٹر کے ذریعے ہوم آئسولیشن مریضوں سے ان کے علاج اور انتظامات کے بارے میں معلومات حاصل کی جائیں گی، جس کی بنیاد پر کوویڈ 19 پروٹوکول کے مطابق انتظامیہ علاج اور دیگر سہولیات کے لئے عملی اقدامات کرے گی۔
اس موقع پر چیف ڈویلپمنٹ آفیسر انیل کمار سنگھ اور محکمہ صحت کے عہدیدار بھی موجود تھے۔
