ریاست اترپردیش کے ضلع مظفر نگر کے میڈیا سینٹر کے احاطہ میں راشٹریہ ہندو مسلم ایکتا منچ کے کارکنان اور عہدیداروں کی جانب سے ملک کی موجودہ صورتحال کے پیش نظر پریس کانفرنس کا انعقاد کیاگیا۔Hindu-Muslim Ekta Manch Holds Press Conference
میڈیا بات چیت میں سہارنپور منڈل کے صدر محمد رضوان نے کہا کہ ہندو مسلم کے درمیان جو نفرتیں پیدا کی جارہیں ہیں انہیں ختم کر کے دونوں طبقوں کے درمیان بھائی چارہ کا ماحول پیدا کرنے کی کوشش کی جائیگی۔انہوں نے کہا کہ ہرگزرتے دن کے ساتھ ملک کے مختلف ریاستوں کے متعدد علاقوں سے ہندو مسلم کے درمیان تشدد،نفرت،لڑائی جھگڑے جسیے منفی خبریں سامنے آرہی ہیں،جس سے دونوں طبقوں کے درمیان دوریاں بڑھ رہی ہیں،لہذا وقت کا تقاضہ یہی ہے کہ ہم اس نفرت کے ماحول کو ختم کر کے ایک دوسرے کے تئیں بھائی چارگی، اخلاق و محبت جیسے اعلی صفات کو فروغ دیں تاکہ ہمارا یہ ملک واقعی گنگا جمنی تہذیب کا علمبردار بن سکے۔
مزید پڑھیں:'ہندو مسلم اتحاد پر کام کرنے کے لیے آر ایس ایس متفق'
انہوں نے مزید کہا کہ ہماری تنظیم کے ارکن اور عہدیداران مسلسل اس کوشش میں لگے ہیں کہ کیسے موجودہ نفرتی ماحول کو ختم کرنے کے لئےاقدام اٹھائے جائیں، اس موقع پر ان کے ہمراہ مذکورہ تنظیم کے صدر شکیل احمد سیفی،محمد اسد،کیلاش راج پرتیک،راج اعظم سلطان سمیت مذکورہ تنظیم کے دیگر ارکان و عہدیداران موجود تھے۔
