آل انڈیا اتحاد ملّت کونسل کے قومی صدر مولانا توقیر رضا نے کچھ روز قبل ملک کی موجودہ صورتحال اور مسلمانوں کے خلاف پھیلائی جا رہی نفرت کے مدنظر ضلع بریلی میں پریس کانفرنس کے دوران کہا کہ وزیر اعظم نریندر مودی مہابھارت کے دھرت راشٹر کا کردار ادا کر رہے ہیں۔ ایسی صورت حال میں کہیں ایسا نہ ہو کہ بھارت میں ایک اور مہا بھارت ہو جائے۔ اُنہوں نے اعلان کیا کہ عید الفطر کے بعد ایک اجلاس منعقد کیا جائے گا، جس میں تمام مذاہب کے لوگوں کو مدعو کیا جائے گا اور وہاں سے ملک گیر تحریک چلائی جائے گی۔ یہیں سے جیل بھرو تحریک کا اعلان کیا جائے گا۔ Hindu Mahasabha On Maulana Tauqeer Raza
مولانا توقیر رضا خان کے اس کے خلاف آج ضلع علیگڑھ کے گاندھی پارک تھانے میں ہندو مہاسبھا کے کارکنان کے ساتھ قومی سکریٹری پوجا شکون پانڈے نے مولانا توقیر رضا کو شدت پسند قرار دیتے ہوئے کہا کہ میں نے ایک ویڈیو دیکھی جس میں وہ ہمارے وزیراعظم کو دھمکی دے رہے ہیں اور کہہ رہے ہیں کہ ہندوؤں کو چھپنے کی جگہ نہیں ملے گی۔ اگر اس نے اپنے مسلم نوجوان کو چھوڑ دیا اور ملک کی عدالت، ملک اور بنٹوارے کو لے کر بھی بیانات دیے ہیں تو اسی لیے اس کے خلاف ملک سے غداری کا مقدمہ درج ہونا چاہیے۔ مولانا توقیر رضا کے خلاف ایف آئی آر درج کرنے کا مطالبہ کرتے ہوئے پوجا شکون پانڈے نے کہا اگر دس دن کے اندر پولیس نے مولانا کو گرفتار کر جیل نہیں بھیجا تو بریلی جا کر احتجاج کریں گی۔
یہ بھی پڑھیں: Bulldozer Demolitions: اگر مسلمان سڑکوں پر آگیا تو کوئی روک نہیں سکتا، توقیر رضا
