ہندو مہاسبھا کی لیڈر ڈاکٹر پوجا شکُن پانڈے نے دو روز قبل تبلیغی جماعت کے خلاف ایک متنازع بیان دیا تھا جو شوشل میڈیا پر آگ کی طرح پھیل گیا تھا جس کے بعد ضلع علیگڑھ کے سابق رکن اسمبلی حاجی ضمیر اللہ نے پوچا شاکن پانڈے کے متنازع بیان کے خلاف ایک تحریر علیگڑھ ایس ایس پی کو دی۔
پوجا شکُن پانڈے نے اپنے متنازع بیان میں کہا تھا کہ 'تبلیغی جماعت کو فوری طور پر بند کیا جائے کیوں کہ تبلیغی جماعت والے ملک پرست نہیں ہوتے ہیں اور ان کو گولی مار دینا چاہیے'۔
ڈاکٹر پوجا شکُن پانڈے، اشوک پانڈے کی اہلیہ ہیں، پولیس نے دونوں کو ہی حراست میں لے لیا ہے، جس کے بعد علیگڑھ انتظامیہ نے تھانہ گاندھی پارک میں ڈاکٹر پوجا شکُن پانڈے کے خلاف دفعہ 505(2) اور 153(اے) کے تحت مقدمہ درج کای ہے۔
علی گڑھ ایس پی (سٹی) ابھیشیک نے بتایا کہ چار اپریل کو پوجا شکُن پانڈے اور اشوک پانڈے کے خلاف مقدمہ درج کیا گیا تھا انہوں نے تبلیغی جماعت والوں کے خلاف ایک متنازع بیان دیا تھا، جس کے بعد تھانا گاندھی پارک میں مذکورہ دفعہ کے تحت مقدمہ درج کیا گیا تھا اسی میں ان دونوں کی گرفتاری کرکے حراست میں بھیجا جارہا ہے۔
