کسانوں کا احتجاج: نوئیڈا دہلی سرحد پر طویل جام

مرکزی حکومت کے ذریعے پاس کیے گئے تین زرعی قوانین کے خلاف کسانوں کا احتجاج جاری ہے اور اس سے تحریک سے جڑنے کے لیے ملک کے الگ الگ حصوں سے کسان وہاں پہنچ رہے ہیں۔ جس سے نوئیڈا اور دہلی سرحد پر کئی کلو میٹر طویل جام لگ گیا ہے۔

بھارتیہ کسان یونین کی جانب سے جاری احتجاج سے جڑنے کے لیے اٹاوہ، علی گڑھ، ایٹہ، گریٹر نوئیڈا کے کسانوں کے دہلی جانے کے لیے سرحد پر پہنچنے کا سلسلہ جاری ہے۔ جس کہ وجہ سے نوئیڈا کے سیکٹر 14 سے دہلی جانے والے چلہ بارڈر پر 3 کلومیٹر سے زیادہ طویل جام لگ گیا ہے۔

کسان نوئیڈا سے دہلی جانا چاہتے ہیں۔ لیکن پولیس نے بھارتیہ کسان یونین کے کچھ کارکنان کی آمد پر ناکہ بندی کر رکھی ہے۔ جس سے طویل جام کی صورت حال پیدا ہوگئی ہے۔ کسان بھی نوئیڈا سے دہلی میں داخل ہونے کی کوشش کر رہے ہیں۔

نوئیڈا سے دہلی آنے والے کاشتکار ٹریکٹر اور ٹرالی میں سوار ہیں۔

سرحدی علاقوں میں دہلی پولیس کے ساتھ سی ایس ایف اور بی ایس ایف کو بھی الرٹ کر دیا گیا ہے۔ اس کے علاوہ دیگر سرحدی علاقوں میں بھی یہی صورت حال ہے۔

شاہین باغ، کالندی کنج، ڈی این ڈی اور میور وہار کی سرحدی گزرگاہوں پر سیکیورٹی سخت کر دی گئی ہے۔