شدید بارش سے ٹرینوں کی آمد و رفت متاثر

اترپردیش کے ضلع کشی نگر میں ہو رہی شدید بارش سے کپتان گنج تھاوے ریلوے روٹ پر الگ الگ مقامات پر درختوں کے گرنے سے ٹرینوں کی آمد و رفت متاثر رہی۔

ریلوے ملازمین ریلوے ٹریک سے درختوں کو ہٹانے میں مشغول ہیں۔ ریلوے ذرائع نے بتایا کہ ددہی اور تمکوہی روڈ ریلوے اسٹیشن کے درمیان ریلوے ٹریک پر الگ الگ مقامات پر تین درخت گرے ہیں۔ اس سے سیوان سے گورکھپور جارہی پسنجر ٹرین صبح آٹھ بجے سے تمکوہی روڈ اسٹیشن پر کھڑی ہے۔
گورکھپور سے پاٹلی پتر جارہی ٹرین کو صبح پانچ بجے سے پٹرونہ اسٹیشن پر روک دیا گیا ہے جبکہ گورکھپور سے تھاوے جارہی ڈیمو رام کولا اسٹیشن پر کھڑی ہے۔
معائنہ گاڑی کی مدد سے ٹریک پر گرے درختوں کو کاٹ کر روٹ کو صاف کرایا جارہا ہے۔