بہوجن سماج پارٹی(بی ایس پی) سپریمو مایاوتی نے اترپردیش اور بہار میں بارش اور آسمانی بجلی سے ہوئی اموات پر دکھ کا اظہار کرتے ہوئے متاثرین کے اہل خانہ کی مدد کرنے کا مطالبہ کیا ہے۔
مایاوتی نے اپنے ٹوئٹ میں لکھا' یوپی و بہار میں بارش و آسمانی بجلی گرنے سے فصل و ملکیت وغیرہ کونقصان کے ساتھ ساتھ متعدد افراد کی اموات کافی تکلیف دہ ہیں۔ حکومت متاثرین کےاہل خانہ کو جلد از جلد مالی امداد فراہم کرے۔یہ بی ایس پی کا مطالبہ ہے۔
قابل ذکر ہے کہ جمعرات کو اترپردیش اور بہار میں بارش و آسمانی بجلی سے تقریبا 150افراد کی اموات ہوئی ہیں۔جبکہ سینکڑوں مویشی مارے گئے تھے۔ وہیں تقریبا بارش کی وجہ سے پیش آنے والے حادثات میں تقریبا 75افراد زخمی ہوئے تھے۔
