انہوں نے لوگوں سے اس خطرناک بیماری کی روک تھام کے لیے مرکزی حکومت اور صحت محکمے کے ذریعہ جاری کی گئی گائیڈ لائن پر عمل کرنے کی بھی اپیل کی ہے۔
حالیہ بیان میں مولانا مفتی ابوالقاسم نعمانی نے کہا کہ کورونا وائرس کی دوسری لہر کی وجہ سے ملک کے الگ الگ حصوں میں مل رہی خبریں ڈرانے والی ہیں۔
مسلسل اس وبا سے متاثر ہونے والے لوگ اور اموات کی تعداد میں اضافہ تشویش ناک ہے۔ اس لئے بے حد ضروری ہے کہ اس کی روک تھام کے لیے جو بھی طریقہ ہے انہیں اختیار کیا جائے۔
مفتی نعمانی نے کہا کہ زندگی بے حد قیمتی ہے۔ اس بات کو سمجھنا ہوگا اور اسے بچانے کے لیے اپنے جذبات کی قربانی بھی دینی ہوگی۔
انہوں نے کہا کہ بھیڑ سے بچنے اور ماسک لگانے سے اس بیماری سے بچا جا سکتا ہے۔ اس لیے یہ ہم سب کی ذمہ داری ہے کہ ہم کووڑ گائیڈ لائن پر ضرور عمل کریں۔
مفتی نعمانی نے کہا کہ اس بات کا خیال ہمیں اپنی عبادت گاہوں میں بھی رکھنا ہوگا۔
عبادت گاہ میں صرف اتنی ہی تعداد میں لوگ جائیں جتنی تعداد کی انتظامیہ کے ذریعے اجازت دی گئی ہے۔
انہوں نے کہا کہ انتظامیہ نے ہم سب کی حفاظت کو دھیان میں رکھتے ہوئے رات کا لاک ٹاؤن لگانے کا اعلان کیا ہے۔
جس کو کسی قیمت پر بھی نظر انداز نہ کیا جائے۔
