ریاست اترپردیش کے ضلع مرادآباد کے تھانہ بھوج پور علاقے میں واقع مدرسہ دینیات العلوم کے اساتذہ اور مدرسہ انتظامیہ کے لوگوں نے تنخواہ نہ ملنے پر مدرسہ کے دروازے پر ہی احتجاج کیا۔ انہوں نے بتایا کہ الپ سنکھیک کلیان ویبھاگ (اقلیتی بہبود سے متعلق محکمہ) کے وقف انسپیکٹر مبین نے ان کے مدرسہ کو پیسہ نہیں دیا ہے۔ جس کی وجہ سے ٹیچرز کو تنخواہ نہیں مل سکی ہے جبکہ یہ ہمارا مدرسہ سنہ 2008 سے ہی رجسٹرڈ ہے۔
یہ بھی پڑھیں: 'اب صرف وزیر اعظم سے ہی مذاکرات ہوں گے'
ضلع سماج کلیان افسر سنیل کمار نے میڈیا کو جانکاری دیتے ہوئے بتایا کہ مدرسہ دینیات العلوم کا پیسہ کسی نے نہیں روکا ہے بلکہ سنہ 2017 میں جب مدارس کو پورٹل پر رجسٹرڈ کرنا تھا تو اس وقت کچھ مدارس کے ذمہ داران نے نہیں کیا۔ جن مدارس نے رجسٹرڈ نہیں کیا ہے، ان مدارس کو حکومت کی جانب سے یہ حکم ہے کہ ان کے بجٹ کو روک دیا جائے۔
