مظفّر نگر: ریاست اتر پردیش کے ضلع مظفر نگر کے کلیکٹریٹ کے احاطے میں گرلز کالج کے طلبات نے ماں شاکمبھری یونیورسٹی کی جانب سے بڑھائی گئی ایگزام فیس کو کم کرنے کے مطالبے کو لے کر زبردست احتجاجی مظاہرہ کیا۔ ای ٹی وی بھارت اردو کے ساتھ بات چیت کرتے ہوئے طلبا نے کہا کہ ہم جین ڈگری کالج کے بی ایس سی کے اسٹوڈنٹ ہیں ۔ہمارے ساتھ نا انصافی کی جا رہی ہے ۔ما شكمبھری یونیورسٹی سہارنپور کی جانب سے ہماری ایگزام فیس کو ڈبل کر دیا گیا ہے۔
انہوں نے کہاکہ ہماری فیس 2900 روپے لی جا رہی تھی لیکن اب اس کو بڑھا کر پانچ ہزار روپے کر دی گئی ہے۔ ہم سب بی ایس سی ہوم سائنس کے اسٹوڈنٹ ہیں۔ یونیورسٹی کی جانب سے بی اے کی طلبا کی فیس کو آدھی کر دی گئی ہے۔ لیکن بی ایس سی کے اسٹوڈنٹ کی فیس کو ڈبل کر دیا گیا ہے۔ ہم چاہتے ہیں کہ ہماری فیس کو کم کیا جائے۔
یہ بھی پڑھیں:مشہور شاعر انجینئر رشید حسین سے خصوصی گفتگو
ان کا کہنا ہے کہ ہم کوئی اڈانی اور امبانی کی اولاد نہیں ہیں جو آپ فیس بڑھائیں گے اور ہم جمع کر دیں گے۔ ہم سب غریب خاندان سے تعلق رکھتے ہیں یہی وجہ ہے کہ ہم احتجاج کر رہے ہیں۔
