سنبھل:متاثرہ کے والد کے مطابق ان کی بیٹی کی اگلے ہفتے شادی ہونی تھی۔شادی کی تیاریاں زور و شور سے جاری تھیں۔ جبکہ وہ خود بھی اپنی بیٹی کی شادی کے لیے جہیز خریدنے بازار آئے ہوئے تھے۔ خریداری کر کے گھر واپس آئے تو گھر کا دروازہ بند پایا۔انہوںنے دروازے پر دستک دی ۔اندر سے کوئی آواز سنائی نہیں دی۔
انہوں نے کہاکہ وہ گھبرا گئے ۔انہوں نے کسی طرح سے گھر کا دروازہ کھول کر داخل ہوئے تو ان کی بیٹی کی لاش پنکھے سے لٹکی ہوئی تھی۔اس واقعے کے بعد پورے علاقے میں سنسنی پھیل گئی۔
اطلاع ملتے ہی تھانہ پولیس موقع پر پہنچ گئی، پولیس نے نعش کو قبضہ میں لے کر پوسٹ مارٹم کے لیے ہسپتال بھیجنے کا انتظام کیا۔پولیس کا کہنا ہے کہ پورے معاملے کی تفتیش کی جا رہی ہے ۔اس معاملے میں فی الحال واضح طور پر کچھ کہا نہیں جا سکتا ہے ۔گھر والوں سے پوچھ گچھ کی جا رہی ہے ۔ان کے بیان درج کئے گئے ہیں۔
یہ بھی پڑھیں:متھرا شاہی عیدگاہ مسجد معاملہ: سپریم کورٹ کے فیصلے کا خیرمقدم
انہوں نے کہاکہ تفتیش مکمل ہونے تک کچھ بھی کہا نہیں جاسکتا ہے۔اس پورے معاملے کی سنگینی کو دیکھتے ہوئے مقدمہ درج کر کے ملزمان کی گرفتاری کے لیے ٹیم تشکیل دے دی گئی ہے۔قصورواروں کو جلد گرفتار کرلیا جائے گا۔
