دراصل ریاست اتر پردیش کے این سی آر علاقے میں بہت ساری جگہوں پر یہ کہا جارہا ہے کہ نان ویج کھانے سے کورونا وائرس کا خطرہ لاحق ہوسکتا ہے۔ اس پر ہم نے غازی آباد کے مشہور ہسپتال کے ڈاکٹر سے بات کی۔
چیسٹ فیزیشین ڈاکٹر ارجن کھنہ نے بتایا کہ 'چینی مارکیٹ سے یہ انکشاف ہوا ہے کہ کورونا وائرس کے کیسز پائے گئے ہیں۔ اس کے بعد اس کی تحقیقات کی گئیں کہ کیا گوشت کھانے یا نان ویج کھانے سے کورونا وائرس کا خطرہ لاحق ہوسکتا ہےیا نہیں۔ لیکن ایسا کوئی ثبوت نہیں ملا ہے کہ ایسا ہوتا ہے۔
ڈاکٹر ارجن کھنہ نے بتایا کہ 'نان ویج کھانے کی وجہ سے پیٹ میں انفیکشن کے معاملات ان دنوں بڑھ گئے ہیں۔
غازی آباد ڈسٹرکٹ اسپتال کے سی ایم ایس رویندر سنگھ کا کہنا ہے کہ گندگی کے بیچ فروخت ہونے والی چیزوں سے دور رہیں۔ اس سے دیگر قسم کے انفیکشن پھیلنے کا بھی خطرہ ہوتا ہے۔
سرکاری اور نجی ہسپتالوں کے معروف ڈاکٹرز سے بات کرنے کے بعد یہ بات سامنے آگئی ہے کہ نان ویج سے کورونا وائرس کے خطرے کا کوئی ثبوت نہیں ملا ہے۔ لیکن گندگی میں فروخت ہونے والی نان ویج آئٹمز کھانے سے بہت ساری بیماریوں کے پھیلنے کا خطرہ ہوتا ہے۔
