اترپردیش: پولیس کی جانب سے عوام میں مفت ماسک کی تقسیم

دنیا بھر میں جہاں کورونا وائرس پھیل چکا ہے اور لاکھوں کی افراد میں اس بیماری سے متاثرہ مریضوں کی تعداد میں اضافہ ہوتا جارہا ہے۔

اترپردیش کے ضلع بجنور کے تھانہ کوتوالی دیہات کے تمام پولیس اہلکاروں نے راہگیروں کو کورونا وائرس سے بچنے کی احتیاطی تدابیر بتائیں اور ساتھ ہی سبھی راہگیروں کو مفت میں ماسک تقسیم کرنے کے ساتھ ساتھ سینیٹائزر بھی تقسیم کیا۔

حتی کے پولیس اہلکار شہر کے اہم چوک چوراہوں اور بھیڑ بھاڑ والے علاقوں میں بینر و پوسٹر لگاکر عوام کو کورونا وائرس سے بیدار کرنے کی کوشش کررہے ہیں۔

حالانکہ پولیس کی اس پہل سے علاقے کے لوگوں میں خوشی کا ماحول ہے لیکن ان افراد کا یہ بھی ماننا ہے کہ جس طرح سے پولیس کرونا وائرس کو لے کر الرٹ ہے اسی طرح محکمہ صحت کی افسران بھی سڑک پر آکر عوام کو بیدار کرنے کی کوشش کریں۔

قابل ذکر ہے کہ کورونا وائرس کے سبب اب تک دنیا بھر میں 11398 قیمتی جانیں تلف ہوچکی ہیں جبکہ عالمی ادراہ صحت نے اس وائرس کو ’عالمی وبا‘ قرار دیا ہے۔

مارچ 21 کی صبح تک حکومت ہند نے اس وائرس سے 249 افراد کے متاثر ہونے کی تصدیق کی ہے۔