بلند شہر: 50 لاکھ کی شراب ضبط، 4 اسمگلر گرفتار

اترپردیش کے ضلع بلند شہر میں پولیس نے کھرجا نگر علاقے میں چار شراب اسمگلرز کو گرفتار کر کے ان کے کنٹینر سے ہریانہ میں بنی 770 پیٹی انگریزی شراب برآمد کی ہے۔ ضبط شراب کی قیمت 50 لاکھ روپئے بتائی جاتی ہے۔

سینئر سپرنٹنڈنٹ آف پولیس سنتوش کمار سنگھ نے بدھ کو بتایا کہ کھرجا نگر پولیس نے منگل کیر ات چیکنگ کے دوران ایک کنٹینر کی تلاشی لی جس میں 770 پیٹی انگریزی شراب رکھی گئی تھی۔
سنتوش کمار سنگھ نے بتایا کہ کنٹینر کے آگے سیکورٹی کے پیش نظر ایک کار بھی چل رہی تھی۔ کار کے آگے اور پیچھے لگی نمبر پلیٹ پر درج نمبرات مختلف ہیں۔
انہوں نے بتایا کہ پولیس نے گھیرا بندی کر کے کار اور کنٹینر پر سوار خالد،وسیم،سریش اور دیپک کو گرفتار کرلیا۔پکڑے گئے چاروں لوگ مستقل طور سے ہریانہ کے رہنے والے ہیں۔یہ لوگ شراب اسمگلنگ گروہ کے متحرک رکن ہیں۔ برآمد شراب ہریانہ کی بنی ہوئی ہے۔
سنتوش کمار سنگھ نے بتایا کہ شراب کے مالک ہریانہ کےشراب اسمگلر امت اور سبودھ ہیں۔