ریاست اترپردیش کے ضلع کانپور کے دیہی علاقہ میں فوجی اہلکاروں سے بھری ایک وین ٹریکٹر ٹرالی سے ٹکرا گئی، اس حادثے میں فوج کے چار اہلکار زخمی ہوگئے۔ کانپور میں زخمی اہکاروں کا علاج کیا جارہا ہے۔
یہ واقعہ اکبر پور کوتوالی علاقے کے قومی شاہراہ گوریا پور کے قریب پیش آیا ہے، جہاں کانپور اٹاوہ شاہراہ پر سڑک کے کنارے کھڑے ٹریکٹر ٹرالی سے ایک آرمی وین ٹکرا گئی، وین میں سوار میجر سمیت چار فوجی اہکار شدید طور پر زخمی ہوگئے۔
آرمی میڈیکل کور اے ایم سی کے آٹھ جوان جھارکھنڈ سے متھرا جارہے تھے، اس حادثہ میں وین ڈارئیور آکاش، شیخ واسیع الرحم ، ابوسید اور میجر ڈاکٹر روی شدید زخمی ہوگئے۔
زخمی جوانوں کو فوری طور پر اسپتال میں منتقل کیا گیا، ابتدائی طبی امداد کے بعد انہیں فوج کی ایمبولینس سے 7 ایئر فورس اسپتال کانپور ریفر کردیا گیا ہے۔
