بہرائچ: ٹنکی پھٹنے سے بچی سمیت چار افراد زخمی

بہرائچ میں پپرمنٹ کے پودے سے تیل نکالنے میں استعمال کی جانی والی ٹنکی کے پھٹ جانے سے ایک معصوم سمیت چار افراد شدید طور پر جھلس کر زخمی ہو گئے ہیں، جنہیں فوراً ضلع اسپتال منتقل کیا گیا۔

ریاست اترپردیش کے ضلع بہرائچ کے تھانہ نواب گنج کے جمنہان گاؤں، جہاں کسان اپنے پپرمنٹ کے فصل سے تیل نکال رہے تھے کہ اس میں استعمال ہونے والی ٹنکی اچانک پھٹ گئی۔

ٹنکی پھٹنے سے ایک زوردار دھماکہ ہوا اور وہاں موجود چار افراد سمیت ایک معصوم اس کی زد میں آگئی اور جھلس کر شدید زخمی ہوگئے۔

زخمیوں کو مقامی لوگوں کی مدد سے فوراً ضلع اسپتال منتقل کیا گیا ہے، ڈاکٹر کے مطابق معصوم کی حالت نازک بنی ہوئی ہے بقیہ چاروں افراد خطرہ باہر ہیں۔