بارہ بنکی: جعلی نوٹ سپلائی کرنے والے گروہ کا انکشاف

بارہ بنکی پولیس نے جعلی نوٹ سپلائی کرنے کے معاملے میں چار افراد کو گرفتار کیا ہے۔ گرفتار ملزمین سے پولیس پوچھ گچھ کررہی ہے۔

اتر پردیش کے ضلع بارہ بنکی میں پولیس نے جعلی نوٹوں کے ذریعہ ملک کی معیشت کو نقصان پہنچانے والے گروہ کا انکشاف کیا ہے۔

یہ گروہ 2 ہزار اور 5 سو کی نوٹ کو اسکین کرکے اے4 پیپر پر نکال لیتا تھا، اور پھر اسے مارکیٹ میں دھوکہ دہی سے استعمال کرتا تھا۔

اس تعلق سے پولیس سپریٹینڈنٹ یمونا پرساد نے بتایا کہ 'جمعرات کو سترکھ کوتوالی حلقے کی پولیس نے بیجے مؤ نہر سے جعلی نوٹ کے چار کاروباری کو گرفتار کیا ہے، یہ چاروں ملزمین بارہ بنکی، لکھنؤ، ایودھیا، امیٹھی اور سلطانپور میں جعلی نوٹوں کی سپلائی کرتے ہیں۔

پولیس گرفتار ملزمین سے پوچھ گچھ کررہی ہے امید ہے کہ اس معاملے اور بھی انکشاف ہو سکتے ہیں۔ گرفتار ملزمین کے پاس سے پولیس 2 لاکھ نقد، ایک لیپ ٹاپ، پرنٹر، کاغز اور موٹر سائیکل برآمد ہوئے ہیں۔