اترپردیش کے ضلع بارہ بنکی میں اسمبلی انتخاب کے دوران آج سماجوادی پارٹی سے تین دفعہ رکن اسمبلی اور ملایم سنگھ کے قریبی چھوٹے لال یادو نے بھارتیہ جنتا پارٹی میں شمولیت اختیار Former Samajwadi Party MLA joins BJP کرلی جس کے بعد بی جے پی کارکنان نے گرم جوشی سے چھوٹے لال یادو کا استقبال کیا۔
اس موقع پر چھوٹے لال یادو نے اکھلیش یادو اور ضلع میں ایس پی کے قدآور لیڈر اروند سنگھ گوپ اور بی جے پی سے ایس پی میں شامل ہونے والے سابق وزیر سنگرام سنگھ ورما پر جم کر تنقید کی۔
بارہ بنکی صدر نشست پر چھوٹے لال یادو اور سنگرام سنگھ ورما دونوں ایک دوسرے کے مخالف تھے، دونوں ایک دوسرے کے آمنے سامنے اسمبلی انتخابات بھی لڑ چکے ہیں۔ مانا جا رہا ہے کہ چھوٹے لال یادو ان کے سماجوادی پارٹی میں آنے سے ناراض تھے، بی جے پی میں شمولیت کے بعد انہوں نے کہا کہ سماجوادی پارٹی اب 2012 سے قبل والی سماجوادی پارٹی نہیں رہی۔
مزید پڑھیں:
انہوں نے کہا کہ جس پارٹی کا قومی صدر اپنے والد کا احترام نہیں کرتا ہے وہ سینئیر لیڈران کا کیا احترام کرے گا۔ اسی وجہ سے انہوں نے سماجوادی پارٹی چھوڑی ہے، انہوں نے کہا کہ انہوں نے سماجوادی پارٹی سے بہت کچھ حاصل کیا ہے وہ اس کا احسان مانتے رہیں گے۔ یہ پوچھے جانے پر کہ ان کے آنے کے بعد ان کی ذات کے لوگوں کی حمایت کس حد تک بی جے پی کو حاصل ہوگی تو انہوں نے کہا کہ یہ انتخابی نتائج بتائیں گے۔
