ریاست اتر پردیش کے شہر ایودھیا کے عنایت نگر پولیس اسٹیشن نے الہ آباد بینک کی ملکی پور برانچ کے سابق برانچ منیجر مایاپتی مشرا کو گرفتار کرلیا ہے۔ مایاپتی مشرا پر جعلسازی اور دھوکہ دہی کے ذریعہ 60 لاکھ روپے کے غبن کا الزام ہے۔
مایاپتی مشرا کو پیر کے روز کوتوالی ایودھیا میں واقع 14 کوسی پریکرما، ان کی رہائش گاہ سے گرفتار کیا گیا۔ سابق برانچ منیجر کی گرفتاری کے بعد ریمانڈ کے لیے عدالت نے ایودھیا بھیج دیا۔ ملزم سابق برانچ منیجر مایاپتی مشرا کے خلاف جعلسازی اور غبن کے الزامات میں مجموعی طور پر تین مقدمات درج ہیں۔
