نوئیڈا میں کانگریس اقلیتی سیل کی تشکیل

بی جے پی کی آمرانہ پالیسیوں سے لوگ پریشان ہیں۔ ایسے میں انہیں کانگریس ہی واحد متبادل نظر آرہی ہے۔

نوئیڈا کانگریس کے اقلیتی سیل نے آج سیکٹر 29 میں واقع پریس کلب میں ایک پریس کانفرنس کا اہتمام کیا۔

اس موقع پر کانگریس اقلیتی سیل اترپردیش کے صدر شاہنواز عالم نے نوئیڈا میں کانگریس اقلیتی سیل کو تشکیل دیا اور متعدد کارکنان کو کمیٹی میں کئی ذمہ داریاں سونپی۔

اس دوران انہوں نے دیہی علاقے میں اپنا صدر مہم کا بھی آغاز کیا اور مہاراشٹر کے سابق وزیر اعلیٰ اے آر انتولے کے یوم پیدائش پر متعدد ڈاکٹروں کو اعزاز سے بھی نوازا۔

شاہنواز عالم نے کہا کہ 'بی جے پی کی آمرانہ پالیسیوں، مہنگائی ،عدم مساوات سے لوگ پریشان ہیں ایسے میں انہیں کانگریس ہی واحد متبادل نظر آرہا ہے۔

اس لئے اقلیتی شعبہ کو یہ ذمہ داری سونپی جا رہی ہے کہ وہ گاؤں کی سطح پر اپنی موجودگی درج کرائیں اور لوگوں کے درمیان کانگریس کی پالیسیوں پہنچائیں۔