ریاست اترپردیش کے دارالحکومت لکھنؤ کے چودھری چرن سنگھ بین الاقوامی ہوائی اڈے پر تعینات کسٹم ڈپارٹمنٹ کو ایک بڑی کامیابی ملی ہے۔
کسٹم ڈپارٹمنٹ نے پیر کے روز دبئی سے آرہے دو مسافر کے پاس سے کثیر مقدار میں غیر ملکی سگریٹ برآمد کیا ہے، جس کی قیمت بین الاقوامی بازار میں 16 لاکھ 80 ہزار روپے بتائی جارہی ہے۔
ہوائی اڈے پر تعینات کسٹم ڈپارٹمنٹ کی چوکسی کی وجہ سے دبئی سے لکھنؤ لائے گئے غیر ملکی سگریٹ کو ضبط کرلیا گیا ہے۔
واضح رہے کہ کسٹم حکام نے بازیاب سگریٹ کے بارے میں مسافروں سے پوچھ گچھ کی ہے، لہٰذا وہ اس بارے میں کوئی جواب نہیں دے سکے، اس کے بعد کسٹم ایکٹ کے تحت سگریٹ ضبط کرکے آگے کی کارروائی شروع کردی۔
