سہارنپور جیل میں بند پانچ قیدیوں کے سزا پورے ہونے پر آج رہا کردیا گیا ہے اس کے علاوہ ریاست کی مختلف جیلوں میں بند 136 دیگر قیدیوں کو بھی آج رہا کیا گیا ہے۔ ان تمام قیدیوں کو جرمانہ کی عدم ادائیگی کے باعث جیل سے رہا نہیں کیا جارہا تھا تاہم انسانی ہمدردی کے نقطۂ نظر سے آج ان قیدیوں کو رہا کردیا گیا Five prisoners Released from Saharanpur jail ہے۔ سہارنپور کے یہ تمام قیدی مختلف مقدمات میں جیل میں بند تھے اور جرمانے کی عدم ادائیگی کی وجہ سے ان کی سزا میں مسلسل اضافہ کیا جارہا تھا، بجلی چوری جیسے مقدمات میں جیل میں بند رحمان نے بتایا کہ وہ گزشتہ 32 ماہ سے جیل میں بند تھا اس کا کوئی نہیں ہے جو جرمانہ ادا کرکے اسے جیل سے رہا کروائے، تاہم اب حکومت نے اس کی مدد کی ہے اور اب وہ یہاں سے رہا ہوکر گھر جائے گا۔
مزید پڑھیں:
وہیں ایک اور نوجوان گینگسٹر کے معاملے میں گزشتہ 28 ماہ سے جیل میں بند تھا اور جرمانے کی عدم ادائیگی کی وجہ سے اس کی سزا میں مسلسل اضافہ ہو رہا تھا، تاہم اب وہ حکومت کی مدد سے جیل سے رہا ہوکر اپنے گھر جارہا ہے۔ اس نے اتر پردیش حکومت کا شکریہ ادا کرتے ہوئے کہا کہ وہ آئندہ کبھی کوئی جرم نہیں کریں گا۔
