ریاست اتر پردیش کے ضلع باندہ کے رانی پوکھری کے گاوں ناگاگھر میں خوفناک قتل عام ہوا ہے۔ یہاں ایک شخص نے خاندان کے پانچ افراد کو قتل کر دیا ہے۔ اس بے رحم شخص نے اپنے تین بچوں، بیوی اور ماں کو قتل کر دیا ہے۔ پولیس نے ملزم کو گرفتار کر لیا ہے۔ قاتل کتنا ظالم تھا اس کا اندازہ اس بات سے لگایا جا سکتا ہے کہ اس نے اپنے تین معصوم بچوں کو بھی نہیں بخشا۔ انہیں بھی مار ڈالا۔ اس نے اپنی اہلیہ کو بھی موت کے گھاٹ اتار دیا۔
رانی پوکھری کے ناگاگھر گاؤں میں بیک وقت پانچ لوگوں کی ہلاکت سے کہرام مچ گیا ہے۔ گاؤں میں سوگ کا ماحول ہے۔ لوگ یہ سمجھنے سے قاصر ہیں کہ اس شخص نے اتنا بہیمانہ قتل کیوں کیا۔ پولیس نے قتل کے ملزم کو گرفتار کر لیا ہے۔ گھر اور آنگن خون میں لت پت ہیں۔ وہاں کا منظر دیکھ کر ہر کوئی کانپ جاتا ہے۔
مزید پڑھیں:Life Imprisonment نابالغ بیٹے کی گواہی پر ماں کے قاتل باپ کو عمر قید کی سزا
اس شخص کے چار بچے تھے، اس نے تین بچوں کو قتل کیا۔ ایک لڑکی کی جان بچ گئی، یہ لڑکی اپنی خالہ کے پاس گئی تھی۔ بتایا جا رہا ہے کہ پانچ لوگوں کے قتل کو انجام دینے والے شخص کا نام مہیش ہے۔ مہیش اتر پردیش کے باندہ ضلع کے ارریہ علاقے کا رہنے والا ہے۔ ابھی یہ شخص رانی پوکھری کے شانتی نگر میں رہ رہا تھا۔ رانی پوکھری کے ایس او ششوپال رانا نے ملزم مہیش کو موقع سے گرفتار کر لیا ہے۔
